السلام عليكم ورحمه الله وبركاتو
بعد اذن حضراتكم وبعد اذا اداره المنتدي طبعا
احب اطلب منكم مساعده انا معنديش اي خبره نهائي في موضوع تربيه الارانب معايا راس مال مش كبير اوي بس حلو يعني يمكني ابدأ بأول خطوة بس المشكله مش في راس المال المشكله اني عاوز اعرف كل حاجه عن الارانب يعني اسعار الاناث والذكور اسعار ارانب النتاج اسعار العلف اسعار البطاريات واي هي التحصينات الي يجب اتاخدها قبل وبعد البدء واي هي االادويه واسعارها ياريت ميكونش كلام ولو في نوع علف اي احسن نوع ممكن اشتريه واحسن شركه للتعامل معاها ؟؟؟؟؟؟؟؟

االاخ الكريم/ كما سبق وذكر لك الاخ الغالى/ أحمد ولكن مع اختلاف بسيط ان الاسعار تختلف من مكان لآخر يعنى فى منطقتى أأحد المدن بجوار مركز طلخا واليك الموضوع وقد كتبته أكثر من مرة ردااا على نفس سؤالك

طيب حضرتك انا حبدأ الاول ب 5 اناث وذكر وبطاريه والاكل طبعا انا من الاسكندريه اتعامل من شركه اي؟؟؟ واي احسن سلاله ممكن اجيبها بعد كدة انشالله كل سنه حخلي المشروع اكتر من كدة بكتير بس كا تجربه عليهم عشان مخسرش

أخى الفاضل /الموضوع ان شاء الله عز وجل بسيط وسهل ولكن بشروط:-

1-مدى القدرة المادية يعنى المبلغ المرصود للمشروع.

2-المكان المخصص للتربية( يجب أن يكون مكان جيد التهوية ويراعى أيضااا ان يكون نظيف تماما) ويجب أن يكون بعيدااا عن الحيونات مثل الكلاب والقطط أو الفئران لعدم الأزعاج.

3-مصدر الشراء لابد من أن يكون مصدر أو شخص ذو ثقة كبيرة.

4-السلالة المخصصة للتربية(أناث أوذكور)ويراعى النيوزيلندى الأبيض للمبتدئين.

5-أماكن التربية (أقفاص خشبية -أقفاص معدنية)وأنا أفضل البطاريات المعدنيه.



*$$$*اما بالنسبة لقطيع التربيةهناك رأيان:-

الأول:أن
تكون الأرانب فى عمر صغيرة يتراوح بين 3أو 4أشهر يكون الوقت المتبقى
للتخصيب وقت قليل حتى تتعلم كيفية التعامل معها وملاحظتها جيداا والأسعار
هنا فى مصر تتراوح من 70الى 80 جنيهاا بحسب الوزن ولكن يعيب هذا الرأى
الوقت حتى يتم التخصيب والحمل .

الثانى:أن تكون الارنب عشار(حوامل)
ويجهز لها بعد عدة أيام بيت الولادة وأنا أميل لهذا الرأى عن تجربة شخصية
ولكن يعيب هذا الرأى أرتفاع الأسعار للأمهات العشارحيث فى مصر تكون حوالى
من 90 الى 110جنيه مصرى.

*$$$*بالنسبة للنوع الأرانب: حسب المناخ
لديك ان كان حاار أو رطب أأو بارد أنا أفضل النيوزيلندى
الأبيض ذو الأعين الحمراء فهى ذو أنتاج عالى من الأجنه وأيضاا نمو صغارها
ورعايتها لهم وأزديادهم فى الحجم يكون أسرع من باقى الأنواع الأخرى.

*$$$*يخصص
لكل 5أناث ذكر فى الأنتاج الكثيف أما الأنتاج شبه الكثيف يخصص 8أناث لكل
ذكر علما بأن سعر الذكر فى منطقتى يتراوح من 85 الى 120 حسب نوعه وعمره.

*$$$*بالنسبة للأقفاص حسب الامكانية الماديه وأن كنت أفضل الأقفاص
المعدنية لسرعة التنظيف وسهولتها وأيضاا الحد بنسبة كبيرة من الأمراض لعدم
ملامسة الأرانب لفضلاتها وبعدها عنها.


*$$$$*أما بالنسبة للأدوية فهى كالتالى:

1-المضاد الحيوى العادى وأنا اشخصياااا أستخدم (فلوكساد) 100مللى ثمنه حوالى 20 جنيه .

2-المضاد الحيوى طويل المفعووول وانا أستخدم( أوكسى تتراسيكلين) 100 مللى ثمنه حوالى 25 جنيه .


3- الأملاح المعدنية 1 لتر ثمنه حوالى 24 جنيه . 4-الفيتامينات أد3ه 1 لتر ثمنه حوالى 27 جنيه.



5-ايفوماك مصرى ويوجد منه الأردنى و الأمريكى وأنا استخدم المصرى وسعره 25 جنيه.




هذه الأدوية يوجد منها أحجام أقل وبأسعار طبعاااا أقل ولكن انا أستخدم ما ذكرته لك.



وبالتوفيق ان شاء الله وننتظر منك ماذا فعلت وماهى النتيجة.
فى أنتظار اى أستفسار منك أو أى عضو من الأعضاء الكرام




والله الموفق والمستعان وعليه التوكلان.

بجد بجد ولله الف شكر لحضرتك بجد افدتني جدا جدا جدا جدا والف شكر تاني لحضرتك

هو رأس المال يعني مش كبير اوي بس 5الاف حاليا بس ممكن كمان كام شهر اخليه
في حدود 7 المكان عندي شقه قديمه في الشارع الي ورانا كلها فاضيه وقريبه
يعني مش حتعب لما اروح للارانب
بالنسبه للمصدر انا معرفش غير المؤسسه الاسلاميه الي سمعت عنها اكتر من كدة ممكن حضرتك تفيدني

بالنسبه حضرتك للادويه دي انا حبدأ ب5 اناث وذكر انا لو جبت الي حضرتك كتبته بالظبط حيعدوا معايا اد اي؟

يعني الادويه دي حتعد معايا كام دوره ؟

اةةةةةة المشكله اني بس معرفش حاجه عن الموضوع فا قولت مجرد تجربه بس في الاول بس يعني

النوع يكون نيوزيلندي ابيض صح؟؟
وهل اجيبهم بكر ولا اجيبهم حامل ولا اجيبهم ولدين قبل كدة ولده او اتنين ؟
والفيتامينات والعلاج ليهم والكميه والثمن ؟
والذكر والانثي والاطفال بياكلو اد اي؟

شكرا شكرا شكرا الف شكر ليكم يا اساتذه ولله مش عارف كنت حعمل اي من غيركم انا كنت ابيض ومش عارف اي حاجه

طيب حضرتك تفضل انيوة نوع علف اانا معرفش غير المؤسسه الاسلاميه بس هل في افضل؟ واي سعر الشكاره