المنطق بيقول ان الاكل المثالي لاي كائن حي هو الاكل الي ربنا سبحانه و تعالي وفره للكائن ده في الطبيعه.. و عشان تاكل كلبك اكل مثالي يبقي لازم تاكله زي ما الكلب او الذئب بياكل في الغابات!!.. يعني ببساطه تاكل كل محتويات جسم اي كائن عشبي.. يعني لحم و عضم و كبد و كلاوي و قلب و مخ و لسان و طحال ... الخ.. لو قدرت تعمل كده يبقي انت ضامن ان كلبك بياكل افضل اكل ممكن ياكله.. احسن حتي من انضف نوع دراي فود بكتيييييييييير.. عشان الدراي فود بيكون فيه حبوب بجانب اللحوم و خلافه و الكلاب في الطبيعه مش بتاكل حبوب.. و الكلب مصدر الطاقه الاساسي بتاعه هو الدهون اكتر من الكربوهيدريت.. عشان كده انا مش بفضل كتر العيش في اكل الكلب و لو تقدر تستغني عنه خالص يكون افضل بس طبعا ده هيكون مكلف اكتر عشان هتضطر تعوض السعرات الي العيش بيديها للكلب بحاجات تانيا و الي اكيد هتكون اغلي من اعيش بكتير..

الهياكل الي معظمنا بياكلها مفيده جدا عشان فيها لحوم و عظم بس لازم جنبهم باقي اعضاء الحيوان الي لسه ذكرتها و لو بكميات صغيره (كل واحد علي قد مقدرته).. بس انا ليا رائ في موضوع الهياكل.. يعني كيلو الهياكل بيكون ب 5 جنيه (انا بجيبه بكده) و الكيلو بيكون في المتوسط عباره عن هيكل فرختين يعني 4 جناح و 2 رقبه و غضروفين.. في المقابل الفراخ المستورده بتتباع بحولي 13 جنيه الفرخه.. فانت مثلا لو بتاكل كلبك كيلو هياكل في اليوم (جنب الحاجات التانيا الي ذكرتها) يبقي الافضل ان بدل الهياكل تاكله فراخ مستورده و هتكون بنفس التكلفه تقريبا بالظبط بس افيد طيعا عشان الهياكل بيكون فيها عضم كتير و لحوم قليله بعكس الفراخ.. يعني مثلا لو بتاكل كلبك وجبتين في اليوم و كل وجبه فيها هيكل فرخه واحده (يعني هيكلين في اليوم) يعني خمس وجبات (يومين و نص) هيحتاجه خمس هياكل و دول تمنهم 12 جنيه و نص يعني تقريبا نفس تمن الفرخه المستورده الي برده ممكن تقسمها علي 5 وجبات علي النحو ده (ورك / ورك / صدر / صدر / الجناحين و الرقبه و الغضروف).. كده هتدفع نفس الفلوس بس كلبك هياكل نسبه لحوم اكتر..

و برده مهم جدا انك بقدر الامكان تحاول تغيرله و لو كل فتره مثلا بدل ربع الفرخه في وجبه من الوجبات تحطله علبه تونه او لحمه برازيلي او سمك.. ان شالله مره في الاسبوع.. لكن باقي الاعضاء تكون طول الاسبوع بس مش كلهم كل يوم.. يعني مثلا يوم شويه كبده و يوم شويه كلاوي و يوم شويه مخ و ها كذا..

معلش يا جماعه الكلام مش منظم اوي عشان انا بكتب الي في دماغي زي ما هو و اتمني انو يكون مفيد.. و بدون منخش في جدل انا بنصح ان كل الحاجات دي تديها للكلب نيه مش مستويه بس تكون مجمدها في الفريزر.. و الي مش مقتنع بالاكل الني يسلقها بس هتفقد كتير جدا من فوايدها!!..