السلام عليكم

لو سمحتو يا جماعه ... انا زهقت من التجار ومن الغش في الاعلاف

والشيكارة مكوناتها بتكون اي كلام وكل ده بيظهر كويس اوي في الارانب الي عندي

عشان كده انا نويت ان شاء الله اني اكبس لنفسي كل فترة كده شكارتين علف

ولما يخلصو اروح اكبس شيكارتين تانيين ..

انا من المنصورة .. وان شاء الله هكبس عند واحد في دكرنس لان ده تقريبا اقرب واحد ليا ودلني عليه صديق ليا

اتمنى من اصدقائنا من المنصورة لو يعرفو مكان حد في المنصورة يكون بيبكبس اعلاف وبالتالي يكون اقرب ليا من دكرنس

واتمنى من خبراء المنتدى يفيدوني عشان انا ناوي اشتري مكونات الشياكرة خام واروح اكبسها انا عند اي حد

ايه هيا المكونات الصحيحه والمفيده لجميع الفئات .. يعني ياكل منها مرضعات وعشار وذكور وفطام وكلو

منتظر الرد من حضراتكم

بالتوفيق للجميع