السلام عليكم
النهارده عندى ارنبه ولدت وكنت شاريها ملقحه
وعرضت للذكر بعد الولاده بخمس ساعات ..بس للاسف الذكر متقلبش ع جنبه وى اصدر صوت
قمت عرضها ع ذكر اخر ..وحصل برضه نفس الموضوع
تركتها لليل وعرضتها ع ذكر ثالث ..وبرضه نفس الموضوع
ومش عارف هل كدا ممكن تكون لقحت .....وهل لازم انه الارنب يصدر صوت ولا او يتقلب ع جنبه ولا لالا

بص هو مش شرط ان الارنب يصدر صوت بس دايما بيحصل معايا انه بيقع علي جنبه او بيقلب لورا ممكن بردوا ميقلبش بس بعد ماتلاقي الذكر اعد علي جنب يبقي اعرف انه يا اما يأس ياما التلقيح تم ساعتها تكشف الفتحه التناسليه للانثي حتلاقي سائل منوي وحتعرف اذا كان لقحت او لاء بس غريبه 3 ذكور مقلبوش علي جنبهم يبقي التلقيح متمش

وعايز اقولك حاجه حاول تريح الام بعد الولادت وتلقحها ياما 3 يوم بعد الولادة ياما 9 يوم عشان انتا كدة بتهلكها ولازم ان جدار الرحم بيبقي تعبان من الولادة غير اعمل حساب ان اخر يوم فطام حيبقي الام حتولد يعني ممكن تولد وهي بتفطم خلي بالك من النقطه دي

انا لسه مصمم المزرعه والنهارده تالت يوم
وخايف ليكون الكلام ده ..بسبب تغيير المكان ...
وللاسف اللى جاب ليا الارانب اتخلبطوا منه التلقيحات ومش عارف مواعيدهم ومش عارف اعمل ايه ؟؟؟
وبصراحه انا اتخنقت منه لانه كنت ماكد عليه انه يجيبلى مواعيد التلقيحات
ياريت اصحاب الخبره يفيدونى فى الموضوع ده

لا لا مينفعش الكلام دا لازم تعرف المواعيد اكيد مش حتصيبها بالبركه هو ملزم بكده ياما رجعله الحاجات

ونصيحتي ليك متجبش ام ملقحه تاني ايش ضمنك انها اول بطن ليها؟؟؟؟؟؟؟ وايش ضمنك عمرها اد اي؟؟