عندى تلات امهات خلفوا وللاسف الخلفه بتموت وشاكك فى درجة الحراره
لانها للاسف فيه موجة صقيع جامده جدا فى الصعيد ...ودرجة الحراره بتوصل ل 20 فى الفجر
ياريت اصحاب الخبره يقولون
درجة الحراره اللى ممكن الخلفه تتحملها ولكم جزيل الشكر

طيب الاول انتا متاكد ان الامهات دي فيها لبن وانتا بترضع الصغار ؟

انا عندي درجه الحرارة بتوصل لــ 20 و 19 كمان بليل وعادي ومش بيحصل حاجه

اتاكد الاول ان الارانب فيها لبن او لا ولو مكنش فيها لبن احقن كل ارنبة 2 سم كوفا كالسيوم تحت الجلد

ده مدر لبن كويس وبيجيب نتائج فعال جدا جدا .. وتأكد من خلو الارانب من الامراض وهل الارانب دي بكر ولا لا ؟

يعني دي اول بطن ليها ولا لا ؟

عفوا في الخطا .. انا اقصد

( انتا متاكد ان الامهات دي فيها لبن وانها بترضع الصغار ؟ )

Ma7moud Med7at كتب:

عفوا في الخطا .. انا اقصد

( انتا متاكد ان الامهات دي فيها لبن وانها بترضع الصغار ؟ )

الف شكر ع ردك يا باشا
واعذرنى انا مبتدا جديد .....
ومعرفش اذا كانت الام بترضع ولا لالا
واللى اشتريت منه قال البعض اول خلفه والبعض الاخر تانى خلفه
.............................................
وياريت تقولى احقنهم بكوفا كالسيوم ولا كال دماج
وياريت نوع الافضل فيهم وسعرهم
لانه عندنا الصيدليات البيطريه بتبع باسعار فلكيه لو انا مش عارف السعر
والف شكر

شوف حضرتك لو اول بطن وتاني بطن ليهم يبقا تصبر عليهم

انا مش بحكم على الارنبة البكر غير من تاني او تالت بطن ليها

سواء اول مرة او تاني مرة اصبر عليهم لتالت مرة بما انهم بكر

وبالنسبة للكوفا كالسيوم والكالديماج

انا بفضل الكوفا كالسيوم عن الكالديماج

احقنهم 2 سم كوفا كالسيوم تحت الجلد بعد الولادة بيوم

انا عندي الاناث البكار بقت كويسه من بعد تاني بطن بنسبة 70%

عشان كده اصبر عليها لتالت بطن

بالتوفيق ان شاء الله

خلاص انا هاصبر عليهم وامر لله

بس ياريت يا حوووده تقولى تمن الكوفا كالسيوم كام ومن انتاج شركة ايه
لانه بصراحه الصيدليات البيطريه فى بلدنا تتميز بغباء مستحكم فىالاسعار المرتفعه جدا
وكمان فى البدائل لانه عندنا مفيش مزارع ارانب غير عندى انا بس والكل بيعتمد ع التربيه المنزليه للبلدى فقط

تمام ... ان شاء الله هسال وارد عليك

بالنسبة للسعر .. الزجاجه الكبيرة تمنها تقريبا 40 او 50 جنية

هسال على الشركه الخاصه واتاكد من السعر وارد عليك ان شاء الله

سعر زجاجة الكوفا كالسيوم 500 مللي بي 40 جنية