قصيدة الشتاء لِ محمد الشهري ( صوت وصوره ) !

صباحكم زهور الياسمين
تعبير خارق عن الحزن , لغة لايكتبها سوى المبدعون امثال الشاعر الفذ
محمد الشهري [ندعوك للتسجيل في المنتدى أو التعريف بنفسك لمعاينة هذه الصورة]
قصيدة مهمورة بتوقيع شاعر يسير عكس الريح
اترككم مع القصيدة الفاااخرة :[ندعوك للتسجيل في المنتدى أو التعريف بنفسك لمعاينة هذه الصورة]

لا يالشتا.. ويش آخره هالحال ؟ الله مبردك
العام هذا كن بردك زاد ..ويقولوا ;دفـــا

مدري أنا اللي صح..ولاهم..لكــن أوعــدك
إني إذا حل المسـا .. بغفي وانا اللي ماغفا

منذ احتلال الحب لاحساسي وانا اللي عودك
أسهر ..ولي مصباح من عشتك ونوره ماطفا

هالحين ماعدني على خبرك ..هذاني برقدك
تصبح على خير ..وتفقدني .. وصوت لي: أفا

يمكن تصحيني ..ويمكن لآ..ويمكن أفقدك
أو يمكن اتشبث بذكرى جرح واصرخ لك: كفا

ماعاد لي رغبة أعيش امسك وافكر في غدك
رزنامة ايامك عذاب .. ومابهـــا ساعة صــفا

شفني أقاوم زمهريرك..وارتمي في موقدك
النار تحرق ..بس بعض احيان لسعتها شفا

بردان أنا .. والشعر ماعاده على حــطة يــدك
نفس القصايد والسبب فـ ((الملهم)) اللي إختفا

ليته خذاني ..كان ماجيت ارتجف واستنجدك
والآ خذاك احسن.. ولا البرد بضلوعي إحتـفا

إشتقت له ..تكفى جبه ذا الليل وابشر بسعدك
يبقى على مر الحنــين اعـــز واغلى من لفــا

وان مــارجع وياك فــاعذرني.. تراني بنــقدك
واقلبك من فصل الرومنــسية إلي فصل الجفا

لا صار مالي حظ فيك ادفى ..يجوز استبعدك
عندي ثلاث فصول تغنيني ..وعنك الله عفا

إرحل ..ولا ترجع مثل ما اليوم جيت بمفردك
إن كان لك عوده ..تعال وجب لي احباب ووفا

وبيومها ..لويشتكون الناس وقالوا : مبردك
ضميت صدر اللي أحب .. وقلت : يازين الدفا

» عالجي شعرك قبل الشتاء
» العلاقة بين فصل الشتاء وزيادة الوزن
» قصيدة قضية وطن
» قصيدة ما حكمتة جاز
» كفى يانفس قصيدة

قصيدة الشتاء لِ محمد الشهري ( صوت وصوره ) !

قصيدة الشتاء لِ محمد الشهري ( صوت وصوره ) !

مواضيع مماثلة

مواضيع مماثلة