شهادة حق بما رأيتة انهردا فى شارع الدروس ... ومحدش هينفعنى ولا معارضة ولا اخوان .. ودى شهاادة اتحاسب عليها
علشان الاقاويل الى كترت وقيل وقال .. وكل واحد بيقول حاجة شكل ..

انا هقول الى انا شفتة من اول لحظة فى المشكلة ..

بداية الموضوع فى مؤتمر الاحزاب الاسلامية عند السحيلى .. المؤتمر كان شغال وفى اخوان على اول المؤتمر وعلى اخرة للتأمين لابسين خوز وعصاية في ايديهم .. بعد ما المؤتمر خلص خرج الجميع فى مسيرة لم ارى فيها اية شغب امتدت من عند السحيلى الى شارع الدروس وهيا فى شارع الدروس عند السيد البدوى بالظبط .. واقف تقريبا 10 ولاد معارضين فضلوا يهتفوا ارحل ارحل .. والمسيرة عدت وخلاص فولد من الى كانوا واقفين الله اعلم هوا مين ولا تبع مين .. رمه طوبة على المسيرة بردو معرفش سببها اية هل كرهة للاخوان هل منظر العصيان والخوزه عصبة .. الله اعلم ..

المهم بعد ما الطوبة اترمت الدنيا كلها هاجت على بعض ضرب فى ضرب وطوب وشوم والمحلات اتكسرت من الطوب من الجانبين ... والشارع اتقلب لمدة تلت ساعة تقريبا تكسر وبهدلة وضرب ..
بعد كدا عرفت ان مقر الحرية والعدالة اتحرق من شوية ..

ودى شهادة حق اتحاسب عليها ودلوقتى فى اللحظة دى مجمع الشرطة بينضرب هنزل اشوف واجى بسرعة ..
منقول عن استاذ عمرو حبيب