كيمو كتب:

السلام عليكم ورحمة الله وبركاتة اخوانى انا عضو جديد فى المنتدي وقمت بالتسجيل علشان لو احتجت شئ تساعدون
انا من شهر بالظبط عملت مشروع الارانب دة وعلشان انا بحب الارانب اوى وفى نفس الوقت عشمان يكون لى رزق حلال منة وعندى بعض الاسئلة البسيطة ومحتاج نصايح منكم فيها وجزاكم الله خيرا
اهلا ومرحبا بك في المنتدي
ونحن في خدمتك وتحت امرك

اول مشكلة انا استخدم مطهر الديزنون فى تطير الصاجات بالبطارية والديزنون سببلى مشكلة صحية وكشفت بسببة وكنت هروح فيها ههههههه المهم انا بطلت ارش الصاجات وعارف ان دة غلط مع انى مهتم بنظافة المزرعة جدا فانا عايز مطهر يكون كويس ويكون مش مؤزى للانسان
استخدم مطهر الفينيك مطهر جيد
الاستفسار الثانى عندى ام غريبة جدا تحس انها اسد مش ارنبة اول محط ايدي عندها الاقى خربشة ومهاجمة بطريقة غريبة على عكس الباقين ولاد ناس وهادين مع العلم انها هتوضع بعد ثلاثة ايام من تاريخ هذا الموضوع فهل دة طبيعي ولا مالها
مفيش مشكلة منها بطبيعتها بتخاف علي خلفتها
يمكنك التعامل معها عن طريف غلق الباب الفاصل بين بيت الولادة والملعب
والاطمئنان عي الصغار او ما شابة ذلك
الاستفسار الثالث انا عندى الناتج بهذة الطريقة 2 عمرهم 22 يوم و 9 عمرهم 16 و 6 عمرهم 12 يوم و 9 عمرهم يومين هل بعد فطام التسعة الاخريين ينفع انى اخلطهم كلهم سوا ولو ينفع اخلى الاكبر سنا يروح مكان الاصغر ولا العكس ياريت توضحولى النقطة دى ومش هطول اكتر من كدة وشكرا جزيلا

ياريت تخلي كل خلفة من ام لوحدهم في عين لوحدهم لانهم متعودين علي رائحة بعضهم
وبالتالي بيخفف عليهم صدمة الفطام
ولان الكبير مش هيخلي الصغير ياكل ما يكفية

بالتوفيق لك
واي استفسار لا تتردد في وضع هنا
وسيتم الرد عليك في اقرب وقت

اضافة الى كلام اخى أحمد
يجب ان تفرق بين المطهر والمبيد الحشرى فقد خانك التعبير فيها
الديازينون هو مبيد حشرى
وهو خاص بالحشرات
وهو لا يغنى عن المطهرات الحيوية مثل اليود والتى اتش 4 والفنيك ورباعى كلوريد الامونيوم الخ الخ

الفينيك مطهر قوي

تقبل مروري

شكرا

شكراااااااااا